Хонадонларнинг замонавий қўриқчиси
  • 24 Апрель 2014

Хонадонларнинг замонавий қўриқчиси

Шаҳрисабз туманидаги “Mars Electronics” масъулияти чекланган жамиятида янги русумдаги ёнғинга қарши ҳамда электрон қўриқлаш қурилмалари ишлаб чиқариш ўзлаштирилди.

Мазкур мосламаларнинг турдошларидан  фарқи шундаки, уларни замонавий ахборот узатиш технологияларига тўғридан-тўғри улаш мумкин. Шу билан бирга, қурилмалар ёрдамида юзлаб километр масофадан туриб муайян объект ҳақида тўлиқ маълумот олиб турса бўлади.  
— Жуда юқори даражадаги сезиш қобилиятига эга бўлган бундай технологиялар, ҳатто, қўриқланаётган хонадон ёки муассасадаги намлик миқдори, ҳарорат, тутун ва бошқа белгилар ҳақида ҳам алоҳида ахборот бериб боради, — дейди МЧЖ раҳбари Шокир Жумаев. — Ҳозир банкнинг 100 миллион сўмлик кредити ҳисобига хориждан дастурлаш технологияларини келтираяпмиз. Жорий йил охиригача лойиҳани тўлиқ амалга ошириб, назорат-касса машиналари ва таксометрлар ишлаб чиқаришни ҳам мўлжаллаганмиз.

Аҳад МУҲАММАДИЕВ,
«Халқ сўзи» мухбири.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn