Оқтомнинг равон йўллари
  • 14 Август 2014

Оқтомнинг равон йўллари

Янгиқўрғон туманидаги Оқтом қишлоғи тоғлар этагида жойлашган. Бу сўлим маскан инфратузилмаси тобора яхшиланиб бормоқда.

Яқинда қишлоққа элтувчи автомобиль йўлида кенг кўламли таъмирлаш ишлари олиб борилди. Янгиқўрғон тумани йўл хўжалиги корхонаси бу ерда 520 миллион сўмлик иш бажариб, 8 километр масофага янгидан асфальт ётқизди. Айни чоғда ҳудуддан оқиб ўтувчи сой устидаги кўприк ҳам қайта қурилаяпти. Кўприксозлар иншоотни энг улуғ, энг азиз байрамимиз арафасида фойдаланишга топширишни мўлжаллаб туришибди.

Айтиш лозимки, жорий йилнинг ўтган даврида вилоятда 36 километр узунликдаги қишлоқ йўллари таъмирдан чиқарилиб, мазкур йўналишда 3,6 миллиард сўмликдан зиёд бунёдкорлик ишлари амалга оширилди.

 

Қудратилла НАЖМИДДИНОВ,

«Халқ сўзи» мухбири.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn