Абдулазиз Комилов Туркманистон Ташқи ишлар вазири ўринбосари Вепа Хажиевни қабул қилди
Абдулазиз Комилов Туркманистон Ташқи ишлар вазири ўринбосари Вепа Хажиевни қабул қилди Фото: mfa.uz
  • 01 Март 2018

Абдулазиз Комилов Туркманистон Ташқи ишлар вазири ўринбосари Вепа Хажиевни қабул қилди

Учрашувда Туркманистон Президентининг Ўзбекистонга бўлажак ташрифи амалий жиҳатлари юзасидан фикр алмашилди.

2018 йилнинг 1 март куни Ўзбекистон Республикаси Ташқи ишлар вазири Абдулазиз Комилов Туркманистон Ташқи ишлар вазири ўринбосари Вепа Хажиевни қабул қилди.

В. Хажиев Савдо-иқтисодий, илмий-техникавий ва маданий ҳамкорлик бўйича Ўзбекистон — Туркманистон қўшма комиссиясининг 14-мажлисида иштирок этиш учун Тошкентга келган.

Учрашувда Ўзбекистон Президенти Шавкат Мирзиёев ва Туркманистон Президенти Гурбангули Бердимуҳамедов мулоқотлари давомида эришилган келишувларни амалга ошириш нуқтайи назаридан икки томонлама муносабатлар ҳолати ва истиқболлари муҳокама қилинди.

Туркманистон Президентининг Ўзбекистонга бўлажак ташрифи амалий жиҳатлари юзасидан ҳам фикр алмашилди. Қайд этилганидек, олий даражадаги Ўзбекистон —Туркманистон мунтазам мулоқоти давлатлараро алоқаларнинг илдам ривожланиши учун асосдир.

Суҳбат чоғида Тошкент шаҳрида март ойида бўлиб ўтиши режалаштирилган тадбирларга — Марказий Осиё мамлакатлари ва Афғонистон ташқи сиёсат идоралари раҳбарлари учрашувлари ва Афғонистон бўйича “Тинчлик жараёни, хавфсизлик соҳасида ҳамкорлик ва минтақавий шерикчилик” номли халқаро конференцияга тайёргарлик масалалари кўриб чиқилди.

Музокараларда Туркманистон Элчиси Шири Шириев иштирок этди.

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn