Соғлом бола йилига бағишланган ушбу кўргазмада қорақалпоғистонлик йигирмага яқин рассомнинг саксондан зиёд мойбўёқ, графика, сопол, ҳайкалтарошлик, ҳунармандликка оид асарлари намойиш этилмоқда. Хусусан, таниқли ижодкорлар Ж. Лепесов, Б. Серекеев, А. Ражапов, С. Бойбўсинов, С. Қутлимуратовнинг олтин фаслнинг рангин жилолари акс этган ёрқин тасвирлари билан бир қаторда, ёш мусаввирлар С. Бекбаулиевнинг “Кунгабоқар”, “Куз”, С. Бобожоновнинг “Этюд”, Ж. Тўрежоновнинг “Гуллар” сингари суратлари томошабинларга манзур бўлмоқда.
Шунингдек, кўргазмада Д. Тажимуратов ижодига мансуб сопол композициялар, Г. Ембергенованинг миллий ҳунармандчиликка доир буюмлари билан ҳам танишиш мумкин.

Гулжаҳон  СЕЙТНАЗАРОВА.

Мақолани дўстларингиз билан бўлишинг!