Табиий офат талафотлари
  • 01 Август 2014

Табиий офат талафотлари

“Евроньюс” телеканалининг хабар беришича, Ҳиндистонда бошланган ёмғирлар мавсуми бир қатор кўчкиларни келтириб чиқарган.
Сурункали ёғингарчиликлар оқибатида мамлакатнинг Махараштра штатидаги битта қишлоқ бутунлай йўқ бўлиб кетган. Бу ерда истиқомат қилувчи ўн етти киши ҳаётдан кўз юмган. 160 нафар одамнинг тақдири эса ҳамон номаълумлигича қолмоқда. Штатнинг кўплаб ҳудудларида сув тошқинлари кузатилаяпти.
Ҳиндистонда ёмғирлар мавсуми июль ойида бошланиб, сентябргача давом этади.
* * *
Худди шунга ўхшаш табиат инжиқликлари Европанинг бир қатор давлатларида ҳам кузатилмоқда. Масалан, Руминияда ёққан кучли жала сув тошқинларини келтириб чиқарди. Оқибатда мамлакатнинг жануби-ғарбидаги бир нечта аҳоли яшаш манзилларини сув босди. Саксонга яқин бинога жиддий зарар етди, ўн икки мингта уй электрсиз қолди. Икки киши ҳаётдан кўз юмган. Фуқароларнинг хавфсизлигини таъминлаш мақсадида эвакуация тадбирлари олиб борилмоқда.
Хорватия ва Бельгиянинг ҳам айрим ҳудудларида кучли ёғингарчиликлар туфайли тошқинлар юз бериб, кўчкилар содир бўлган.

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn
Мазкур рукндаги бошқа мақолалар: « Кутилганидан бир фоиз кўп Зилзила юз берди »