Акциядорлик жамияти матбуот хизмати хабарига кўра, Ўзбекистон ва Тожикистон темир йўл тармоқлари ўртасида транзит юкларни ташиш, вагонларга техник хизмат кўрсатиш, уни таъмирлаш борасида қатор тадбирлар амалга оширилмоқда. 

Ушбу йўналишдаги саъй-ҳаракатларни изчил ривожлантириш, янги имкониятларни ишга солиш, ишончли ҳамкорликни мустаҳкамлаш масалалари муҳокамаларнинг асосий мазмунини ташкил этди. 

Шунингдек, учрашувда локомотив ва вагонларни замон талаблари даражасида қайта таъмирлаш, юк ва йўловчи ташиш соҳасида ўзаро келишган ҳолда иш олиб бориш, транзит юкларни олиб ўтишда қўшимча имтиёзлар яратиш масалаларига ҳам эътибор қаратилди. Ҳар икки давлатда ҳам юк ва йўловчи ташишни кўпайтириш борасида янги имкониятлар яратилади. Ўзаро суҳбат чоғида амалга оширилиши зарур бўлган энг муҳим вазифалар белгилаб олинди. 

Ташриф доирасида Тожикистон делегацияси аъзолари “Ўзбекистон темир йўллари” акциядорлик жамиятига қарашли қатор саноат қорхоналари ва ташкилотларида бўлиб, ўзаро ҳамкорликни ривожлантириш юзасидан фикр алмашишди.

Мақолани дўстларингиз билан бўлишинг!